Mediat sociale përdoren shpesh nga gazetarët si një mjet për të promovuar punën e tyre, për të kontaktuar burimet dhe për t’u lidhur me kolegët.
Por me rritjen e përdorimit vijnë edhe rreziqe të mëdha për ta dhe punën që ata bëjnë. Siguria e shumë gazetarëve të pavarur është rrezikuar për shkak të informacionit dhe imazheve që ata kanë postuar në mediat sociale, kështu që është e rëndësishme të jeni të vetëdijshëm për rreziqet dhe të adoptoni praktikat më të mira.
Praktika më e mira në përdorimin e rrjeteve sociale:
- Kur është e mundur, krijoni llogari të veçanta për punën si gazetar dhe profiling personal në mediat sociale. Kjo është për të mbrojtur vetën, familjen tuaj dhe burimet tuaja.
- Mendoni me kujdes për informacionin që postoni në mediat sociale dhe se si kjo mund t’ju rrezikojë ju dhe familjen tuaj. Mos postoni detaje të tilla si adresa juaj, detajet e pasaportës ose data e lindjes në internet.
- Kontrolloni rregullisht cilësimet e privatësisë së llogarive tuaja për t’u siguruar që çdo informacion që dëshironi të mbahet privat është i mbrojtur nga shikimi i publikut.
- Rishikoni rregullisht komentet e lëna në llogaritë tuaja të mediave sociale. Kushtojini vëmendje çdo mesazhi, veçanërisht mesazheve provokuese ose kërcënuese, pasi kjo mund të ndihmojë në zbulimin e çdo kundërshtari të mundshëm.
- Flisni me miqtë dhe familjen për profilin tuaj në rrjetet sociale. Informojini ata nëse nuk dëshironi të etiketoni në foto dhe/ose komente në internet. Vendosni profilet tuaja të mediave sociale për t’ju informuar nëse jeni etiketuar. Shikoni udhëzuesin e Facebook më poshtë.
- Çaktivizoni geotagging (etiketimin) nëse jeni të shqetësuar për postimin e vendndodhjes tuaj në faqet e mediave sociale.
- Shmangni përdorimin e mediave sociale kur kryni intervista nga burime anonime. Në vend të kësaj, përdorni një platformë më të sigurt. Shikoni udhëzuesin tonë për sigurimin e materialeve tuaja (Anglisht). Për tu mbrojtur juve dhe burimet tuaja, aktivizoni mesazhet sekrete për bisedat në Facebook. Shikoni udhëzuesin e Facebook më poshtë për informacion mbi këtë.
- Gjithmonë dilni nga llogaritë tuaja të mediave sociale. Kjo do të parandalojë që dikush të ketë akses në informacionin tuaj.
- Përdorni fjalëkalime të forta dhe të gjata për të mbrojtur llogaritë tuaja të mediave sociale ose përdorni një menaxher fjalëkalimesh. Shikoni udhëzuesin e fjalëkalimit (Anglisht) për ndihmë se si ta bëni këtë.
- Përdorni verifikimin me dy hapa (Two – step verification) për të mbrojtur llogaritë tuaja. Shikoni udhëzuesin emailit (Anglisht) për informacione të mëtejshme.
Të dobishme për tu lexuar:
Facebook ka shkruar një udhëzues për gazetarët për t’i ndihmuar ata të përdorin Facebook në mënyrë më të sigurt. Ekziston gjithashtu një udhëzues për sigurimin e informacionit tuaj në Facebook.
Twitter ka një udhëzues se si ta mbani llogarinë tuaj të sigurt. (Qasja në udhëzues është në gjuhën angleze).
